Azərbaycan Respublikasının Daxili İşlər Nazirliyi Azərbaycan Respublikasında ictimai qaydanın və ictimai təhlükəsizliyin təmin edilməsi, cinayətlərin qarşısının alınması və açılması sahəsində Azərbaycan Respublikasının qanunları ilə müəyyən edilmiş səlahiyyətləri həyata keçirən mərkəzi icra hakimiyyəti orqanıdır.
Press-relizlər Kriminal xronika Məlumatlar
Yardımlı rayonunun Zevin kənd sakinləri Rasim Talıbovu və onun qardaşı oğlu Rahil Əliyevi qətlə yetirmiş şəxslər barəsində əməliyyat-axtarış tədbirləri aparılır
04 sentyabr 2010
Sentyabrın 4-də saat 01.05 radələrində Yardımlı rayonunun Zevin kəndində, kənd sakinləri Şəmsəddin Eyniyev və qardaşı Niyaməddin münaqişə zəminində həmkəndliləri Rasim Talıbovu və onun qardaşı oğlu Rahil Əliyevi bıçaqla qətlə yetirmişlər.
Yardımlı RPŞ əməkdaşları tərəfindən əməliyyat-axtarış tədbirləri aparılır.
Qaradağ rayonu ərazisində yol-nəqliyyat hadisəsi
04 sentyabr 2010
Sentyabrın 4-nə keçən gecə Qaradağ rayonu ərazisində Bakı şəhər sakini Rizvan Abbasovun idarə etdiyi "Toyota" markalı və Salyan rayon sakini Namus Huseynovun idarə etdiyi "KamAZ" markalı avtomaşınlar toqquşmuşlar. Nəticədə R.Abbasov hadisə yerində ölmüş, xəsarət almış sərnişini, arvadı Şəlalə isə xəstəxanaya yerləşdirilmişdir.
DİN BDYPİ tərəfindən araşdırmalar aparılır.
Gün ərzində 31 cinayət faktı qeydə alınmışdır
03 sentyabr 2010

Respublikanın daxili işlər orqanları tərəfindən gün ərzində 31 cinayət faktı qeydə alınmışdır ki, onların da 17-i “isti izlər”lə açılmışdır. Həmçinin ötən günlərdən bağlı qalmış 8 cinayətin üstü açılmışdır. 

  • Cinayət Məcəlləsinin müxtəlif maddələri ilə axtarılan 9 nəfər tutularaq istintaq orqanlarına təhvil verilmişdir.
  • Respublikanın avtomobil yollarında 5 yol-nəqliyyat hadisəsi baş vermişdir ki, nəticədə 1 nəfər ölmüş, 14 nəfər isə yaralanmışdır.
  • 17 yanğın hadisəsi qeydə alınmışdır.
  • Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 2, qanunsuz saxlanılan silah-sursatla bağlı 3 fakt müəyyən edilmişdir.
  • Cinayət törətdiklərinə görə 33 nəfər tutulmuşdur.
Quldurluq etməkdə şübhəli bilinən Bakı şəhər sakinləri Əsgər Əliyev və Hacıbəy Ağabəyov tutulmuşlar
03 sentyabr 2010
Nərimanov RPİ 17-ci PB əməkdaşlarının həyata keçirdikləri əməliyyat-axtarış tədbirləri nəticəsində avqustun 31-də Ələkbər Allahverdiyevi tapança ilə hədələyib, döyərək pul verməsini tələb etməkdə şübhəli bilinən Bakı şəhər sakinləri Əsgər Əliyev və Hacıbəy Ağabəyov tutulmuşlar.
Oğurluq etməkdə şübhəli bilinən Sumqayıt şəhər sakini Natiq Ağayev tutulmuşdur
03 sentyabr 2010
Binəqədi RPİ 40-cı PB əməkdaşlarının həyata keçirdikləri əməliyyat-axtarış tədbirləri nəticəsində sentyabrın 3-də 22 №-li xətt avtobusunda Xaçmaz rayon sakini Yavər Ağayevin cibindən 273 manat pulunu oğurlamaqda şübhəli bilinən Sumqayıt şəhər sakini Natiq Ağayev tutulmuşdur.
Sumqayıt şəhər sakini Seymur Əliyevdən 1 ədəd xaricdə istehsal olunmuş qaz tapançası və ona aid 13 ədəd güllə aşkar edilərək götürülmüşdür
03 sentyabr 2010
Sumqayıt şəhəri ərazisində, şəhər sakini Seymur Əliyev "VAZ-2107" markalı avtomaşını idarə edərkən yol-hərəkəti qaydalarını pozduğuna görə Sumqayıt ŞPİ Dövlət Yol Polisi Şöbəsi əməkdaşları tərəfindən saxlanılmışdır.
Avtomaşına baxış keçirilən zaman oradan 1 ədəd xaricdə istehsal olunmuş qaz tapançası və ona aid 13 ədəd güllə aşkar edilərək götürülmüşdür.
Axtarışda olan Gürcüstan vətəndaşları Yaşar Xəlilov və Məmmədcan Xəlilov tutulmuşlar
03 sentyabr 2010
DİN Baş Cinayət-Axtarış İdarəsi və Tovuz RPŞ əməkdaşlarının həyata keçirdikləri birgə əməliyyat-axtarış tədbirləri nəticəsində Gürcüstan Cinayət Məcəlləsinin 179-cu maddəsi (quldurluq) ilə axtarışda olanlar, Gürcüstan vətəndaşları Yaşar Xəlilov və Məmmədcan Xəlilov tutulmuşlar.
arxiv