2008-ci il avqust ayının 17-də saat 20.50 radələrində naməlum şəxs Bakı şəhəri Ü.Bünyadzadə küçəsində yerləşən Abu-Bəkr məscidinə pəncərədən partlayıcı maddə atmış, nəticədə 2 nəfər hadisə yerində ölmüş, 11 nəfərin sağlamlığına müxtəlif dərəcəli zərər yetirilmişdir.

Respublikanın daxili işlər və prokurorluq orqanları tərəfindən ölkədə əməliyyat şəraitinə nəzarət olunması, baş vermiş ağır və xüsusilə ağır,  ictimai rezonans doğurmuş cinayətlərin açılması, cinayət törədərək istintaqdan yayınanların tapılıb-tutulması istiqamətində əməliyyat-axtarış və istintaq tədbirləri davam etdirilir.

Azərbaycan Respublikasının daxili işlər naziri, general-polkovnik Ramil Usubov iyulun 30-da Pakistan İslam Respublikasının ölkəmizə yeni təyin olunmuş fövqəladə və səlahiyyətli səfiri cənab Əbdül Həmidi qəbul etmişdir.

İyulun 25-də Daxili İşlər Nazirliyində respublika daxili işlər orqanlarının cari ilin birinci yarısında cinayətkarlıqla mübarizə və ictimai təhlükəsizliyin təmin edilməsi üzrə fəaliyyətinin yekunlarına və qarşıda duran vəzifələrə həsr olunmuş geniş Kollegiya iclası keçirilmişdir.

İyulun 19-da respublikanın daxili işlər naziri, general-polkovnik Ramil Usubovun iştirakı ilə Bakı Şəhər Baş Polis İdarəsində cari ilin birinci yarımilliyinin yekunlarına həsr olunmuş əməliyyat müşavirəsi keçirilmişdir.